4 მაისს, 14:00 სთ–ზე, მარტვილის მუნიციპალიტეტის საკრებულოს თავმჯდომარის მოადგილე ალექსანდრე ახვლედიანი და მუნიციპალიტეტის მერი ალექსანდრე გრიგალავა და საგანმანათლებლო რესურსცენტრის უფროსი პაშა გულორდავა, მერიის სააქტო დარბაზში, საჯარო სკოლის თვითმმართველობის თავმჯდომარეებსა და წევრებს შეხვდა.
მარტვილის მუნიციპალიტეტის მერიის კულტურის, განათლების, სპორტის, ტურიზმის, ძეგლთა დაცვისა და ახალგაზრდულ საქმეთა სამსახურის უფროსი სპეციალისტის მარინა თოფურიას ინიციატივით და მერიისა და საკრებულოს მხარდაჭერით, შეიქმნა მარტვილის თვითმმართველობის ფორუმი, რომელიც ითვალისწინებს მუნიციპალიტეტის მასშტაბით, საჯარო სკოლების თვითმმართველობის თავმჯდომარეებისა და წევრების მიერ წარმოდგენილი პროექტების განხორციელებაში ხელის შეწყობას და დაფინანსებას.
ფორუმის მონაწილეები ჩაერთვებიან სხვადასხვა სახის აქტივობებში და მათთვის პრიორიტეტულ და მნიშვნელოვან პროექტებს ერთობლივად განახორციელებენ, რაშიც მათ ადგილობრივი ხელისუფლების წარმომადგენლებიც შეუწყობენ ხელს.
თვითმმართველობის ფორუმის პირველ შეხვედრა გაცნობითი ხასიათის იყო. მათ ასევე ისაუბრეს სამომავლო გეგმებსა და მიზნებზე. ხელისუფლების წარმომადგენლებმა მოსწავლეებს პროექტების განხორციელებაში დახმარება აღუთქვეს.
მარტვილის მუნიციპალიტეტის მერიის კულტურის, განათლების, სპორტის, ტურიზმის, ძეგლთა დაცვისა და ახალგაზრდულ საქმეთა სამსახურის უფროსი სპეციალისტის მარინა თოფურიას ინიციატივით და მერიისა და საკრებულოს მხარდაჭერით, შეიქმნა მარტვილის თვითმმართველობის ფორუმი, რომელიც ითვალისწინებს მუნიციპალიტეტის მასშტაბით, საჯარო სკოლების თვითმმართველობის თავმჯდომარეებისა და წევრების მიერ წარმოდგენილი პროექტების განხორციელებაში ხელის შეწყობას და დაფინანსებას.
