საქართველო, ისევე როგორც მთელი მსოფლიო, უდიდესი გამოწვევის წინაშე დგას. პანდემიასთან ბრძოლა თითოეული ჩვენგანის პასუხისმგებლობაა. აქედან გამომდინარე, მარტვილის მუნიციპალიტეტის საკრებულოს მმართველი პოლიტიკური გუნდი უერთდება პარტია “ქართული ოცნება-დემოკრატიული საქართველოს” ინიციატივას და მომდევნო სამი თვის განმავლობაში საკრებულოს ყველა თანამდებობის პირი მმართველი პარტიიდან თანამდებობრივი სარგოს 1/3-ს კორონავირუსთან ბრძოლის “StopCoV” ფონდში გადარიცხავს. ყოველთვიურად გადარიცხული თანხა 8206 ლარს შეადგენს. ერთად ვებრძოლოთ კორონავირუსს.
