30 აგვისტოს მარტვილის მუნიციპალიტეტის საკრებულოს თავმჯდომარე ალექსი გაბისონია მარტვილის მხარეთმცოდნეობის მუზეუმის სააქტო დარბაზში საფეხბურთო ტურნირის– „მომავლის თასი“-ს კენჭისყრას დაესწრო.
კენჭისყრაზე დამსწრე საზოგადოებისთვის დინამოს აკადემიის მიერ ჩატარებული ღონისძიებების პრეზენტაციაც მოეწყო.
„მომავლის თასის“ გათამაშება პირველ სექტემბერს დაიწყება და მასში მონაწილეობას სხვადასხვა რეგიონის 8 გუნდი მიიღებს, ესენია: „დინამო“ თბილისი, „დინამო“ მარტვილი, „კოლხეთი“ ხობი, „კოლხეთი“ ფოთი, „გურია“ ლანჩხუთი, „ბაია“ დინამო, „მარგვეთი“ ზესტაფონი და „სამტრედია“ სამტრედია.
ტურნირის ორგანიზატორია მარტვილის საფეხბურთო სკოლა და იგი „დინამო“ თბილისის დაფინანსებით იმართება.
კენჭისყრას მარტვილის მუნიციპალიტეტის ხელისუფლების წარმომადგენლები, დინამოს აკადემიის ფეხბურთელები, მწვრთნელები და დაინტერესებული პირები ესწრებოდნენ.
