მიწის სისტემური რეგისტრაცია

საკონსულტაციო შეხვედრაზე მოქალაქეებს მიწის სისტემური რეგისტრაციის რეფორმაზე ინფორმაცია მიეწოდათ. საჯარო რეესტრის ეროვნული სააგენტოს წარმომადგენლებმა მოქალაქეებს სამართლებრივი კონსულტაცია გაუწიეს, სახელმწიფო რეფორმის შესახებ დეტალურ ინფორმაციას მიაწოდეს და მსურველებს slr.napr.gov.ge პორტალზე რეგისტრაციაში დაეხმარნენ.

აღნიშნული პროექტის ფარგლებში მოსახლეობასთან კონსულტაციები მთელი ქვეყნის მასშტაბით ტარდება. მიწის სისტემური რეგისტრაციის რეფორმის ფარგლებში, სსიპ – საჯარო რეესტრის ეროვნული სააგენტო კერძო, სახელმწიფო და მუნიციპალიტეტის საკუთრებაში არსებულ მიწის ნაკვეთებს სრულად აზომავს, დაარეგისტრირებს და მონაცემთა ერთიან ბაზას შექმნის. სისტემური რეგისტრაციის რეფორმის დასრულების თარიღად გამოცხადებულია 2025 წლის პირველი იანვარი.