6 მარტს, ტრიფონ ხუხუას სახელობის მარტვილის კულტურის სახლში, ფოტო კონკურს “ჩემი თვალით დანახული მარტვილის” მონაწილეთა ფოტოების გამოფენა და დაჯილდოების ცერემონიალი გაიმართა.
ფოტო კონკურსი 2022 წლიდან, მარტვილის მუნიციპალიტეტის კულტურისა და ახალგაზრდობის განვითარების ცენტრის ორგანიზებით და მარტვილის მუნიციპალიტეტის მერიისა და საკრებულოს მხარდაჭერით იმართება.
მიმდინარე წელს კონკურსში 7 სკოლის 13 მოსწავლე იღებდა მონაწილეობას.
კომპეტენტურმა ჟიურიმ გამოავლინა გამარჯვებულები ოთხ ნომინაციაში:
- გაცოცხლებული ისტორია-გამარჯვებული მაგული ჯელია, ბანძის საჯარო სკოლის მე-11 კლასის მოსწავლე.
- ჩემი კუთხე- გამარჯვებული მარიამ შავდია, ბალდის საჯარო სკოლის მე-11 კლასის მოსწავლე;
- თავისუფალი თემა- გამარჯვებული თეონა კალანდია, სალხინოს საჯარო სკოლის მე-10 კლასის მოსწავლე;
- საუკეთესო პორტრეტი- გამარჯვებული გიორგი ინჯგია, თამაკონის საჯარო სკოლის მე-6 კლასის მოსწავლე;
თითოეულ ნომინაციაში გამარჯვებულები მარტვილის მუნიციპალიტეტის მერმა თორნიკე ჯანაშიამ, საკრებულოს თავმჯდომარის მოადგილემ კობა დარჯანიამ და რესურს ცენტრის ხელმძღვანელმა პაშა გულორდავამ, ბიბლუსის 200 ლარიანი სასაჩუქრე ვაუჩერებით და დიპლომებით დააჯილდოვა, ხოლო კონკურსის დანარჩენ მონაწილეებს სიგელები და ბიბლუსის 50 ლარიანი სასაჩუქრე ვაუჩერიბი გადაეცათ
