3 თებერვალს 12:00 საათზე მარტვილის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა. სხდომას თავმჯდომარეობდა საკრებულოს თავმჯდომარე ალექსი გაბისონია.
სხდომას ესწრებოდნენ: მარტვილის მუნიციპალიტეტის გამგებელი ალექსანდრე გრიგალავა, აპარატის თანამშრომლები, სამეგრელოს ბუნების ძეგლების კომპლექსის და ოკაცეს ბუნების ძეგლების ადმინისტრაციის დირექტორი ზაზა გაგუა და სხვა დაინტერესებული პირები. ზაზა გაგუამ მარტვილის კანიონის განვითარების გეგმებზე ისაუბრა.
დღის წესრიგით გათვალისწინებული იყო შემდეგი საკითხები:
1. მარტვილის მუნიციპალიტეტის საკრებულოს 2016 წლის 3 თებერვლის სხდომის დღის წესრიგის დამტკიცების შესახებ.
/მომხსენებელი-ალექსი გაბისონია, საკრებულოს თავმჯდომარე/
2. ,,მარტვილის მუნიციპალიტეტის გამგეობის საფინანსო-საბიუჯეტო სამსახურის დებულების დამტკიცების შესახებ“ მარტვილის მუნიციპალიტეტის საკრებულოს 2014 წლის 22 სექტემბრის N25 დადგენილებაში ცვლილებები შეტანის შესახებ.
/მომხსენებელი-ალექსი გაბისონია, საკრებულოს თავმჯდომარე/
/ თანამომხსენებელი–ალექსანდრე გრიგალავა, მარტვილის მუნიციპალიტეტის გამგებელი/
სხდომაზე მიღებულ იქნა შესაბამისი დადგენილება.
