მარტვლის მუნიციპალიტეტის შ.პ.ს „სამედიცინო ცენტრი მკურნალი“-ს სამედიცინო დანადგარები გადაეცემა.
28 აპრილს მარტვილში სამედიცინო ცენტრის პარტნიორი ორგანიზაციების წარმომადგენლები – შვეიცარიაში ქართველთა თანადგომის ასოციაციის პრეზიდენტი ქეთი კრეპსელი და ფონდი „დღეს“ კულტურული პროექტების მენეჯერ შიო აბრახამია და ფონდის დირექტორი ბექა ჯუმუტია იმყოფებოდნენ, მათ „მკურნალის“ დირექტორ ტერენტი კვესელავასთან ერთად თანამედროვე სტანდარტების სამედიცინო ცენტრის ახალი შენობა დაათვალიერეს.
სტუმრებთან ერთად, სამედიცინო ცენტრის ახალი შენობა დაათვალიერეს ადგილობრივი ხელისუფლების წარმომადგენლებმა, მუნიციპალიტეტის გამგებელმა ალექსანდრე გრიგალავამ, მარტვილის მაჟორიტარმა დეპუტატმა დავით ბარამიამ და სარებულოს წევრმა, ფრაქცია „ქართული ოცნება – დემოკრატიული საქართველოს“ თავმჯდომარემ ლევან სურმავამ.
ქალბატონმა ქეთი კრეპსელმა დამსწრე საზოგადოებას ის დაპირებები გააცნო, რომელიც ცენტრისთვის სამედიცინო დანადგარების გადაცემას გულისხმობს, მისი თქმით უახლოეს მომავალში მოხდება ამ დანადგარებით „მკურნალის“ აღჭურვა.
შ.პ.ს „სამედიცინო ცენტრი მკურნალი“ 2012 წელს დაარსდა და მასში 45 ადამიანია დასაქმებული. სამედიცინო ცენტრმა 5 წლის მანძილზე მილიონ ხუთასი ათასამდე თანხა მოიზიდა, რომლის 78% პროცენტი ხელფასებს მოხმარდა, ხოლო დანარჩენი საშემოსავლოს სახით მარტვილის მუნიციპალიტეტის ბიუჯეტში შევიდა.
