17 ნოემბერს, მარტვილის მუნიციპალიტეტის საკრებულოს სხდომათა დარბაზში ჯერ საკრებულოს ბიუროს, ხოლო შემდეგ საკრებულოს მორიგი სხდომა გაიმართა. რომელსაც საკრებულოს თავმჯდომარე ელდარი თოდუა უძღვებოდა.
ბიუროს სხდომაზე განიხილეს შემდეგი საკითხი: მარტვილის მუნიციპალიტეტის 2026 წლის ბიუჯეტის პროექტის შესახებ, საჯარო ადმინისტრაციული წარმოების დაწყების თაობაზე განკარგულების პროექტის საკრებულოს დღის წესრიგში შეტანის შესახებ. ხოლო საკრეულოს სხდომის დღის წესრიგით გათვალისწინებული იყო შემდეგი საკითხი: მარტვილის მუნიციპალიტეტის საკრებულოს დადგენილების- „მარტვილის მუნიციპალიტეტის 2026 წლის ბიუჯეტის დამტკიცების შესახებ“ მისაღებად საჯარო ადმინისტრაციული წარმოების დაწყების თაობაზე.
მარტვილის მუნიციპალიტეტის 2026 წლის ბიუჯეტის პროექტი განთავსდა საკრებულოს ვებ-გვერდზე და გასაცნობად გადაეცა საკრებულოს წევრებს, კომისიებსა და ფრაქციებს.
მარტვილის საკრებულოს კომისიებისა და ფრაქციების სხდომები გაიმართება შემდეგი განრიგით:
- საფინანსო-საბიუჯეტო საკითხთა კომისია-19 ნოემბერი, 12:00 საათი;
- სოფლის მეურნეობის განვითარებისა და ადგილობრივი მნიშვნელობის ბუნებრივი რესურსების გამოყენებისა და მართვის საკითხთა კომისია- 19 ნოემბერი, 12:00 საათი;
- სოციალურ საკითხთა კომისია – 20 ნოემბერი, 12:00 საათი;
- ეკონომიკის,ინფრასტრუქტურისა და სივრცით-ტერიტორიული დაგეგმარების საკითხთა კომისია – 21 ნოემბერი, 12:00 საათი;
- სამანდატო,საპროცედურო და იურიდიულ საკითხთა კომისია- 21 ნოემბერი, 14:00 საათი;
- ფრაქცია „ ხალხის ძალა“ – 18 ნოემბერი, 12:00 საათი;
- ფრაქცია „ევროპელი სოციალისტები“ – 18 ნოემბერი, 12:00 საათი;
- ფრაქცია „ქართული ოცნება-დემოკრატიული საქართველო“ 21 ნოემბერი, 13:00 საათი.
მარტვილის მუნიციპალიტეტის 2026 წლის ბიუჯეტის პროექტთან დაკავშირებით წინადადებების, შენიშვნების და მოსაზრებების წარდგენა მოქალაქეებს შეუძლიათ მარტვილის საკრებულოს აპარატში, (ქალაქი მარტვილი თავისუფლების N10) 2025 წლის 24 ნოემბრის ჩათვლით.
