2016 წლის 7 ოქტომბერს მარტვილის მუნიციპალიტეტის საკრებულოს სამანდატო, საპროცედურო და იურიდიული კომისიის თავმჯდომარემ, სოფელ გაჭედილის მაჟორიტარმა დეპუტატმა – რამაზ ხურცილავამ მოსახლეობას მის მიერ გაწეული საქმიანობის ანგარიში ჩააბარა.
შეხვედრის მიზანი იყო უკვე შესრულებული სამუშაოების ანგარიში და სამომავლო გეგმების დასახვა. შეხვედრას ესწრებოდნენ ბალდა–გაჭედილის სხვადსხვა უბნის მოსახლეობა.
შეხვედრაზე განიხილეს 2016 წელს უკვე შესრულებული სამუშაოები:
1. ლეცავე–ბალდის დამაკავშირებელი გზის მოასფალტება და სანიაღვრე სისტემის მოწყობა;
2. ბალდაში მდ. აბაშაზე ნაპირსამაგრის მოწყობა;
3. ბალდის შიდა გზების მოხრეშვა;
4. ციკოლიების უბანში წისქვილის აღდგენა/რეაბილიტაცია;
5. ბალდაში საბავშვი ბაღის გახსნა;
6. გაჭედილში საბავშვო ბაღის გახსნა;
7. ბალდასა და გაჭედილში წყლის საწრეტებისა და ცხაურების მოწყობა;
8. გაჭედილის უბანში არხის გაწმენდა;
სოფელ ბალდა–გაჭედილში, სოფლის პროგრამით გათვალისწინებული ყველა სამუშაო შესრულებულია.
მოსახლეობამ აღნიშნული სამუშაოები დადებითად შეაფასა და კმაყოფილება გამოთქვა.
შეხვედრაზე ასევე განისაზღვრა 2017–2018 წლებში განსახორციელებელი პრიორიტეტული პროექტები:
1. ბალდა–გაჭედილის ტურისტული პოტენციალის ასამაღლებლად, მნიშვნელოვანია საავტომობილო გზის კეთილმოწყობა ბალდა–ონიორე–ტობას მიმართულებით;
2. ბალდის ეწულაიეს უბანში გზის მოხრეშვა.~
3. გაჭედილის სკურდის უბანში შიდა გზების მოწესრიგება, ხიდ–ბოგირის გაკეთება;
4. გაჭედილში, დ. ჯანაშიას სახლთან სანიაღვრე არხის გაჭრა და კეთილმოწყობა;
5. ერუხაიეს უბანში სანიაღვრე არხის გაჭრა და მისი კეთილმოწყობა;
6. გაჭედილის ეწულაიეს უბნის სასმელის წყლით მომარაგება – ახალი გაყვანილობის გაყვანა;
7. გაჭედილში, მდ. აბაშაზე ბონდის ხიდის რეაბილიტაცია;
8. ბალდაში შინმოუსვლელთა სტენდის რეაბილიტაცია;
9. ბალდის საბავშვო ბაღის ეზოს კეთილმოწყობა
