11 ოქტომბერს საკრებულოს წევრი ზურაბ ბიგვავა ამომრჩევლებს შეხვდა და მუშაობის ანგარიში წარუდგინა.
შეხვედრაზე ზურაბ ბიგვავამ აღნიშნა, რომ 2015-16 წლებში „სოფლის პროგრამით“ დაგეგმილი სამუშაოები შესრულებულია, მაგრამ სოფლის განვითარებისთვის ეს მიზერულია და საჭიროა თანხების მოზიდვა მუნიციპალური განვითარების ფონდიდან, ან სხვა სახელმწიფო ფედერალური ფონდებიდან. ასევე საჭიროა მცირე და საშუალო ბიზნესის განვითარება ადგილზე, რომ შემცირდეს ახალგაზრდების გადინება სოფლებიდან.
მან აღნიშნა, რომ 2015-16 წლებში მუნიციპალიტეტის ბიუჯეტით უბანში მოწყობილ იქნა ღამის ელექტრო განათება, შეკეთდა გზა და გაიდო საცალფეხო ხიდი მდინარე „თხვაპურა“-ზე.
მოსახლეობამ ძირითადად შესრულებულ სამუშაოებზე კმაყოფილება გამოთქვა, მაგრამ მიიჩნევენ რომ სოფლის განვითარების ტემპი ძალიან დაბალია. მათი საზრუნავი ძირითადად უმუშევრობა, უგზოობა და უწყლობაა. ასევე მოითხოვენ ღამის განათების მოწყობის გაგრძელებას.
მოსახლეობამ მიიღო გადაწყვეტილება: ერთობლივი განცხადებით მიმართონ მუნიციპალიტეტის გამგებელს ტალერი-ნობულევის გზის რეაბილიტაციის ასფალტო-ბეტონის საფარის და წყლის მომარაგების სისტემის დასაფინანსებლად საპროექტო სამუშაოებისთვის თანხების გამოყოფის შესახებ.
მოსახლეობის უმრავლესობა კმაყოფილია და მიესალმება სოფლის მეურნეობის მიერ დაწყებულ ინოვაციას „ჩაის აღორძინების პროგრამა“-ს. ასევე იმედის თვალით შეყურებენ „ტეხურჰესის“ კასკადების მშნებლობის დაწყებას, რომ იშოვონ სამუშაო ადგილები.
