2016 წლის 18 ოქტომბერს მარტვილის მუნიციპალიტეტის სოფელ ვედიდკარის მაჟორიტარი დეპუტატი შალვა ბახია სოფელ ვედიდკარის მოსახლეობას შეხვდა.
შეხვედრის მიზანი იყო უკვე შესრულებული სამუშაოების ანგარიში და სამომავლო გეგმების დასახვა. შეხვედრას მუხურჩა–ვედიდკარის სხვადსხვა უბნის მოსახლეობა ესწრებოდა.
შეხვედრაზე განიხილეს 2016 წელს უკვე შესრულებული სამუშაოები:
1. ვედიდკარში გმირთა მემორიალის დემონტაჟი და რეაბილიტაცია;
2. დარციმელიების უბანში არხის გაჭრა და სამ ოჯახში რკინა–ბეტონის მილების ჩადება;
3. ფანცულაიების უბანში არხის გაჭრა და 13 ოჯახთან რკინის მილების ჩადება;
4. მახათის უბანში 300 მეტრზე სანიაღვრე არხის გაჭრა;
5. მახათის გზაზე ხიდ–ბოგირის მოწყობა;
6. მაისაიების უბანში ხიდის რეაბილიტაცია;
7. გურამ ჭედიას სახლთან რკინა–ბეტონის მილების ჩადება;
8. რ. ყურუას საყანე ფართობთან არხის გაჭრა;
9. მუხურჩის საყანე ფართობებთან მისასვლელი გზის მოხრეშვა;
10. ორქის საყანე ფართობების შემოკავება;
11. ფ.რურუას წისქვილთან არხის ამოწმენდა და წყლის გამშვების მოწყობა;
12. გაგუების უბანში სანიაღვრე არხის ამოღება და გზის მოხრეშვა;
13. ლეფოჩხუეში არხის გაჭრა და მილების ჩადება;
14. კანკიას კარიდან ცენტრალურ გზამდე მოხრეშვითი სამუშაოები.
მოსახლეობამ აღნიშნული სამუშაოები დადებითად შეაფასა და კმაყოფილება გამოთქვა.
შეხვედრაზე ასევე განისაზღვრა 2017–2018 წლებში განსახორციელებელი პრიორიტეტული პროექტები:
1. ბანძა–ლეფოჩხუე–მუხურჩის დამაკავშირებელი გზის მოასფალტება;
2. სოფ მუხურჩის მოსახლეობა პრიორიტეტად განსაზღვრავს ბაღის მშენებლობას;
3. მდ.აბაშაზე ნაპირსამაგრის მოწყობა;
4. სოფ.ვედიდკარში სტადიონის რეაბილიტაცია;
5. ურუდიების უბანში გზის მოხრეშვა.
