მარტვილის მუნიციპალიტეტში ტრადიციულად 25 სექტემბერს წმინდა მეფის დავით აღმაშენებლის აღმზრდელისა და ვეზირთუპირველესის წმინდა მღვდელმთავრის გიორგი ჭყონდიდელ-მწიგნობართუხუცესის ხსენების დღე „ჭყონდიდლობა“ აღინიშნება.ამ დღესთან დაკავშირებით, მარტვილის ღვთისმშობლის მიძინების სახელობის საკათედრო ტაძარში წირვა ჭყონდიდელმა ეპისკოპოსმა მეუფე გრიგოლმა (კაცია) აღავლინა.
ადგილობრივი ხელისუფლებისა და საზოგადოების წარმომადგენლებმა გვირგვინით შეამკეს წმ. გიორგი ჭყონდიდელის ძეგლი.
მარტვილის ღვთისმშობლის მიძინების სახელობის საკათედრო ტაძრის ეზოში მსურველებს შესაძლებლობა ქონდათ დაეთვალიერებინათ ხელნაკეთი ნივთების და ნახატების გამოფენა. კულტურისა და ახალგაზრდობის განვითარების ცენტრის შემოქმედებითმა წრეებმა მუსიკალური ნომრები წარმოადგინეს.
გთხოვთ მოიწონეთ და გააზიარეთ:
