4 ივნისს, მარტვილის მუნიციპალიტეტის საკრებულოს თავმჯდომარის მოადგილე ალექსანდრე ახვლედიანი და მარტვილისა და აბაშის მაჟორიტარი დეპუტატის ოთარ დანელიას ბიუროს უფროსი სოფიო გაბისონია, საგანმანათლებლო რესურსცენტრის უფროსთან პაშა გულორდავასთან ერთად ქ. მარტვილის №1 საჯარო სკოლის სააქტო დარბაზში ქართული ენის შემაჯამებელ გაკვეთილს დაესწრო.
№1 საჯარო სკოლის ქართული ენისა და ლიტერატურის მასწავლებელმა მარინე თოფურიამ, სამოქალაქო განათლების პედაგოგთან ნიკოლოზ წულაიასთან ერთად მე–9 კლასში შემაჯამებელი ღია გაკვეთილი ჩაატარა.
ოსწავლეებმა, ილია ჭავჭავაძის ნაწარმოების „სახრჩობელაზედ“ მიხედვით იმიტირებული სასამართლო პროცესი წარმოადგინეს.
წარმოდგენის შემდეგ მოსწავლეებსა და მოწვეულ სტუმრებს შორის გაიმართა დისკუსია სამართლიანობაზე, მოზარდების აღზრდაში ოჯახისა და საზოგადოების ჩართულობის პრობლემებსა და შედეგებზე. შემაჯამებელ გაკვეთილს, როგორც საჯარო სექტორის წარმომადგენლები, ასევე სასულიერო პირი, მასწავლებლები და მოსწავლეები ესწრებოდნენ.
