2021 წლის 5 ივნისს, გარემოს დაცვის დღეს, გარემოს დაცვისა და სოფლის მეურნეობის მინისტრმა, ლევან დავითაშვილმა და „საქართველოს მწვანეთა მოძრაობა/დედამიწის მეგობრები – საქართველოს“ თავმჯდომარემ, ნინო ჩხობაძემ კონკურსის „სუფთა რეგიონი 2021“ დაწყების შესახებ განაცხადეს.
2021 წელს კონკურსის მიზანია გამარჯვებულის გამოვლენა ქვეყნის მასშტაბით შემდეგ ნომინაციებში:
• „სუფთა რეგიონი“
• „სუფთა მუნიციპალიტეტი“
• „სუფთა ქალაქი“
• „სუფთა სოფელი“
• „სუფთა ქუჩა“
• „ლამაზი ეზო“
• „ლამაზი აივანი“
• ,,ყველაზე სუფთა საწარმოს ეზო“
• „სუფთა ლურჯი ნაკადული.“
კონკურსში მონაწილე რეგიონების, ქალაქების, მუნიციპალიტეტების, სოფლებისა და მოსახლეობის წარმომადგენლებს საკონკურსე პერიოდში საშუალება აქვთ, გადმოგზავნონ ფოტო და ვიდეო მასალები ელ. ფოსტაზე: info@greens.ge, nino.chkhobadze@gmail.com და
შემოსული მასალების საფუძველზე კომისიის წევრები გამოავლენენ კონკურსის „სუფთა რეგიონი“ ნომინაციებში გამარჯვებულებს. წლევანდელი კონკურსის „სუფთა რეგიონი 2021“ გამარჯვებულები 2022 წელს გახდება ცნობილი.
კონკურსი უკვე მეექვსედ ტარდება პროექტის „დავიცვათ საქართველოს სისუფთავე“ ფარგლებში, რომელიც ხორციელდება არასამთავრობო ორგანიზაციების („საქართველოს მწვანეთა მოძრაობა/დედამიწის მეგობრები – საქართველო“, „დავიცვათ საქართველოს
სისუფთავე“ – KGT, საქართველოს ბუნების მკვლევართა კავშირი „ორქისი“) მიერ, საქართველოს გარემოს დაცვისა და სოფლის მეურნეობის სამინისტროსთან, სსიპ “გარემოსდაცვითი ინფორმაციისა და განათლების ცენტრთან“ და მყარი ნარჩენების მართვის კომპანიასთან
თანამშრომლობით, შვედეთის მთავრობის ფინანსური მხარდაჭერით.
გთხოვთ მოიწონეთ და გააზიარეთ:
