მარტვილის მუნიციპალიტეტში ჭყონდიდლობის დღესასწაული მოკრძალებულად აღინიშნა. covid-რეგულაციებიდან გამომდინარე, ჭყონდიდლობა 2021–ის განრიგში ცვლილებების შეტანა გახდა საჭირო. შესაბამისად წელს მარტვილელებმა ჭყონდიდლობა სხვა წლებისგან განსხვავებულად აღნიშნეს. დილიდან მარტვილის ღვთისმშობლის სახელობის ტაძარში საზეიმო წირვა გაიმართა.11:00 საათიდან კი მარტვილის მუნიციპალიტეტის ხელისუფლების წარმომადგენლებმა დაძმობილებული ქვეყნების (პოლონეთი, უკრაინა, ბელარუსია) დელეგაციასთან ერთად გიორგი ჭყონდიდელის ბიუსტი ყვავილებით შეამკეს. დღესასწაულთან დაკავშირებით ადგილობრივმა შემოქმედებმა ხელნაკეთი ნივთების ( ფერწერული ტილოები და ნაქსოვები) გამოფენა–გაყიდვა გამართეს, რომელიც ტრიფონ ხუხუას სახელობის კულტურის სახლში მოეწყო. მარტვილის მუნიციპალიტეტის საკრებულო გილოცავთ ჭყონდიდლობას.გთხოვთ მოიწონეთ და გააზიარეთ:
