ბანძის ადმინისტრაციული ერთეულის ფართობია – 16,24 კვ.კმ; მდებარეობს დასავლეთ საქართველოში, მარტვილის მუნიციპალიტეტში, ოდიშ–გურიის დაბლობზე, მდინარე აბაშის მარცხენა სანაპიროზე, ზღვის დონიდან 90 მეტრზე. ქ. მარტვილიდან დაშორებულია 12 კილომეტრით. ადმინისტრაციულ ერთეულში შემავალი სოფლებია: ბანძა, ლევახანე, ლეკეკელე, ლეპატარე. ბანძის ადმინისტრაციულ ერთეულში ცხოვრობს 920 კომლი, სულთა რაოდენობა შეადგენს 2500-ს.
ბანძის ადმინისტრაციულ ერთეულში ფუნქციონირებს ყოვლადწმიდა ღვთისმშობლის მიძინების ეკლესია, წმინდა გიორგის სახელობის ეკლესია (ძეგელეს უბანი) და წმინდა გიორგის სახელობის ეკლესია (ლეკოტიეს უბანი). XX საუკუნის დასაწყისში აგებული მაღალი არქიტექტურული სამლოცველო ნაგებობა — სინაგოგა. რომელიც გასული საუკუნის 70-იან წლებში ებრაელებმა დატოვეს. სინაგოგა დღემდე ხელშეუხებლად დგას ბანძაში.
