18 ოქტომბერს, მარტვილის ტრიფონ ხუხუას სახელობის კულტურის სახლში, მარტვილის მუნიციპალიტეტის კულტურისა და ახალგაზრდობის განვითარების ცენტრთან არსებული თოჯინების თეატრში სპექტაკლ „წითელქუდა“-ს პრემიერა გაიმართა.
სპექტაკლის პრემიერას, მარტვილის მუნიციპალიტეტის საკრებულოს თავმჯდომარე ლევან სურმავა, მუნიციპალიტეტის მერი თორნიკე ჯანაშია მოადგილეებთან, საგანმანათლებლო რესურსცენტრის ხელმძღვანელ პაშა გულორდავასთან და პატარა მაყურებლებთან ერთად დაესწრო.
სპექტაკლი მარტვილის მუნიციპალიტეტის მერიის მხარდაჭერით გაიმართა. „თოჯინების თეატრის“ დაარსების იდეის და პროექტის ავტორები არიან: გიორგი წივწივაძე, გოჩა სხულუხია, ზურაბ ჯამბურია. სპექტაკლის რეჟისორი – ლევან გაბრიჭიძე. მონაწილეობდნენ: მათე სოსელია, მადინა თოდუა, მზია ოდიშარია, მადლენა კვესელავა, ირინა ჯანაშია, ირაკლი სურმავა, დოდო ბარამია.
