27 სექტემბერი სოხუმის დაცემის დღეა. აფხაზეთის ომის დასრულების 30 წლისთავთან დაკავშირებით მარტვილის მუნიციპალიტეტის საკრებულოს თავმჯდომარემ ლევან სურმავამ, მუნიციპალიტეტის მერთან თორნიკე ჯანაშიასთან, ხელისუფლების სხვა წარმომადგენლებთან და საჯარო მოხელეებთან ერთად საქართველოს ტერიტორიული მთლიანობისათვის აფხაზეთის ომში დაღუპულთა მემორიალი ყვავილებით შეამკეს და გარდაცვლილთა სულებს პატივი მიაგეს.
სასულიერო პირებმა მემორიალთან აფხაზეთის ომში გარდაცვლილთა სულის მოსახსენიებელი პანაშვიდი აღავლინეს.
ამ დღესთან დაკავშირებით სახელმწიფო დროშა დაეშვა საქართველოს მთელ ტერიტორიაზე, ყველა ადმინისტრაციულ შენობაზე.
გთხოვთ მოიწონეთ და გააზიარეთ:
