5 აპრილს მარტვილის ზ.ანჯაფარიძის სახელობის სამუსიკო სკოლაში გაიმართა ბავშვთა და ახალგაზრდული საგუნდო კოლექტივების III ეროვნული კონკურსის პირველი ტური. მასში მონაწილეობა, მარტვილის სამუსიკო სკოლის გუნდმა და 6 საჯარო სკოლის გუნდმა მიიღო.
მარტვილში ჩატარებული კონკურსს აფასებდა კომპეტენტური ჟიური:
მიხეილ ედიშერაშვილი – საგუნდო საზოგადოების და ეროვნული კონკურსის აღმასრულებელი დირექტორი, თბილისის სახელმწიფო კონსერვატორიის პროფესორი, საგუნდო დირიჟორი;
შიო აბრახამია – კონკურსის საორგანიზაციო კომიტეტის თავმჯდომარე, საგუნდო საზოგადოების სამეგრელოს ფილიალის ხელმძღვანელი, საგუნდო დირიჟორი;
ჟიურის საპატიო წევრი – მაკა გულორდავა, მარტვილის მუნიციპალიტეტის რესურსცენტრის ხელმძღვანელი, კონკურსის საორგანიზაციო კომიტეტის წევრი.
მეორე ტურში გადასულები ერთ კვირაში გამოვლინდებიან.
კონკურსის ორგანიზატორია საქართველოს საგუნდო საზოგადოება. მასში მონაწილეობს ჩვენი ქვეყნის 200-ზე მეტი საგუნდო კოლექტივი – ზოგადსაგანმანათლებლო, სახელოვნებო, ფოლკლორის, სალოტბარო და სამგალობლო სკოლებიდან; კულტურისა და მოსწავლე-ახალგაზრდობის ცენტრებიდან; პროფესიული და უმაღლესი სასწავლებლებიდან.
კონკურსის მიზანია: აკადემიური საგუნდო სიმღერის პოპულარიზაცია, ეროვნული სასიმღერო ტრადიციების დაცვა, ქართველი კომპოზიტორების შემოქმედების პოპულარიზაცია, ბავშვთა და ახალგაზრდული საგუნდო კოლექტივების მხარდაჭერა და მონიტორინგი.
კონკურსი მიმდინარეობს შემდეგ კატეგორიებში:
- A – აკადემიური საგუნდო სიმღერა
- B – ქართული ხალხური სიმღერა
- C – ქართული გალობა
კონკურსის მეორე ტური თბილისში 7 და 9 მაისს გაიმართა. კონკურსის გალა კონცერტი და გამარჯვებულთა დაჯილდოება გაიმართება 2 ივნისს თბილისის კონსერვატორიის დიდ დარბაზში. გალა კონცერტზე მსმენელის წინაშე წარსდგებიან ოქროს მედალოსანი და გრანპრიორი კოლექტივები.
