მარტვილის მუნიციპალიტეტის მერი თორნიკე ჯანაშია, მერის მოადგილესთან გივი ელიავასთან, საკრებულოს თავმჯდომარის მოადგილესთან კობა დარჯანიასთან და მერიის სამსახურების თანამშრომლებთან ერთად, აბედათის ადმინისტრაციულ ერთეულში მცხოვრებ მოსახლეობას აბედათის ისტორიული ციხის ეზოში შეხვდა.მერმა შეხვედრაზე მოსახლეობისგან უშუალოდ მოისმინა მათი საჭიროებების შესახებ და მათი მოგვარება პრიორიტეტების მიხედვით განსაზღვრა. მოსახლეობის მხრიდან ძირითად პრობლემად შიდა საუბნო გზების მოწესრიგება დასახელდა. მერმა მოსახლეობას მიაწოდა ინფორმაცია სოფელ ლემიქავეს გზის რეაბილიტაციასთან დაკავშირებით, ამ ეტაპზე გზის დაპროექტების სამუშაოები მიმდინარეობს. შეხვედრა კითხვა-პასუხის რეჟიმში წარიმართა.
მერმა შეხვედრის დაწყებამდე, აბედათის მაჟორიტარ დეპუტატთან ირაკლი დიხამინჯიასთან ერთად მოინახულა და მადლობის სიგელები გადასცა ადმინისტრაციულ ერთეულში მცხოვრებ ღვაწლმოსილ პედაგოგებს. ასევე მოინახულა სოფელში მცხოვრები შეზღუდული შესაძლებლობების მქონე პირები, მათ სიმბოლური საჩუქრები გადასცა. თორნიკე ჯანაშიამ ასევე დაათვალიერა ადგილობრივი მოსახლეობის მიერ მოყვანილი სოფლის მეურნეობა.
მერმა დაათვალიერა ადგილობრივი, ახალგაზრდა მხატვრის ნინო ხურცილავას ნახატების გამოფენა. თორნიკე ჯანაშია აბედათის სკოლის მოსწავლეებისა და ბაღის აღსაზრდელები კონცერტსაც დაესწრო.
გთხოვთ მოიწონეთ და გააზიარეთ:
