✅მარტვილის მუნიციპალიტეტში, გერმანიის ეკონომიკური თანამშრომლობის სამინისტროს (BMZ) დაფინანსებით, სოფლის მეურნეობის მიმართულებით, ახალი პროექტი ხორციელდება. 👉პროექტის ხელმძღვანელმა, ზურაბ კარბელაშვილმა, ადგილობრივებს, განხორციელებული აქტივობების და სამომავლო გეგმების შესახებ პრეზენტაცია წარუდგინა.
📝პროექტის ფარგლებში, 21 სექტემბერს მეფუტკრებაში თეორიული და პრაქტიკული სწავლება ჩაუტარდა ადგილობრივ ფერმერებს, სადაც გაეცნენ ფუტკრის მოვლის თანამედროვე მეთოდებს და მავნებელ-დაავადებების წინააღმდეგ გასატარებელ ღონისძიებებს. ამავე პროგრამის ფარგლებში, 22 სექტემბერს ჩატარდა ბიომეურნეობის სასწავლო კურსი.
🟩პროგრამა რამდენიმე კომპონენტიანია, რომლის ფარგლებშიც, სამომავლოდ ჩამოყალიბდება ახალგაზრდა ბიომეურნეთა ქსელი (IFOAM – ის მხარდაჭერით), სადაც ნებისმიერ დაინტერესებულ ფერმერს შეეძლება ჩართვა. ხუნწის ადმინისტრაციულ ერთეულში მოეწყობა სადემონსტრაციო-სასწავლო ნაკვეთი, ჩატარდება ფერმერთა დღეები, რაც სოფლის მეურნეობის სფეროში ჩართულ პირებს, მისცემს თეორიული და პრაქტიკული გამოცდილების გაზიარების შესაძლებლობას.
პროექტის პარტნიორები არიან: გლობალური ბუნების ფონდი (GNF), Sustain Caucasus International Alliance (SCIA), The House of Nature Pro Biodiversity Alliance.
☑️პროექტი ხორცილდება „ბიომრავალფეროვნებისათვის და კლიმატთან ადაპტირებული კულტივირების მეთოდების გაძლიერება საქართველოში“ პროგრამის ფარგლებში და მიზანად ისახავს სოფლის მეურნეობაში ჩართული ორგანიზაციებისა და საოჯახო მეურნეობების მხარდაჭერას, სწავლებასა და საკონსულტაციო მომსახურების მიწოდებას ბიომეურნეობის, კლიმატთან ადაპტირებული კულტივირების მეთოდებსა და მეურნეობის მართვის საკითხებში, რაც ხელს შეუწყობს ბიომრავალფეროვნების შენარჩუნებასა და გარემოსდაცვითი კუთხით მდგრადი მომავალის შექმნას.
✔️ადგილობრივ დონეზე, პროექტის მხარდამჭერები არიან მარტვილის მუნიციპალიტეტის საკრებულო, მარტვილის მუნიციპალიტეტის მერია და სოფლის განვითარების სააგენტოს მარტვილის საინფორმაციო-საკონსულტაციო ცენტრი.
